მედია - ჯო ბაიდენსა და ვლადიმერ ზელენსკის შორის სატელეფონო საუბარი გაიმართება

აშშ-ის პრეზიდენტი ჯო ბაიდენი ხვალ უკრაინელ კოლეგასთან, ვლადიმერ ზელენსკისთან სატელეფონო საუბარს გეგმავს, - მედიის ინფორმაციით, ამის შესახებ ჯო ბაიდენის მრჩეველმა ეროვნული უსაფრთხოების საკითხებში, ჯეიკ სალივანმა ჯო ბაიდენსა და ვლადიმერ პუტინს შორის გამართული ვირტუალური შეხვედრის შემდეგ განაცხადა.

Reuters-ის ინფორმაციით, მოსალოდნელი კომუნიკაციის შესახებ კომენტარი გააკეთა უკრაინის საგარეო საქმეთა მინისტრმა, დმიტრო კულებამაც.

მისი თქმით, დიალოგი საშუალებას მისცემს ლიდერებს, განიხილონ რუსეთის შეკავების შემდგომი ნაბიჯები და აღმოსავლეთ უკრაინაში კონფლიქტთან დაკავშირებით უკრაინას, რუსეთს, საფრანგეთსა და გერმანიას შორის ოთხმხრივი სამშვიდობო მოლაპარაკებების განახლების გზები.

შეგახსენებთ, გუშინ აშშ-სა და რუსეთის პრეზიდენტებს, ჯო ბაიდენსა და ვლადიმერ პუტინს შორის ვიდეო კონფერენციის ფორმატში შეხვედრა გაიმართა. პრეზიდენტების საუბრის ერთ-ერთი მთავარი თემა უკრაინასთან დაკავშირებით არსებული დაძაბულობა იყო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს