კორონავირუსის „ომიკრონ“ ვარიანტის დასაძლევად, მთავრობებმა კოვიდ 19-ის საპასუხო ეროვნული ზომები ხელახლა უნდა შეაფასონ და ვაქცინაციის პროცესი დააჩქარონ, - ამის შესახებ ჯანდაცვის მსოფლიო ორგანიზაციის დირექტორმა ტედროს ადანომ გებრეისუსმა განაცხადა.

”მოვუწოდებთ ყველა ქვეყანას გაზარდონ მეთვალყურეობა და ტესტირება. ნებისმიერი თვითკმაყოფილება ახლა ადამიანების სიცოცხლის ფასად დაჯდება,”- აღნიშნა ჯანმო-ს ხელმძღვანელმა.

მისი თქმით, კორონავირუსის აღნიშნული ვარიანტის გავრცელება ახლავე, იქამდე უნდა შეჩერდეს, ვიდრე „ომიკრონით“ ჰოსპიტალიზებული პაციენტების რიცხვი კიდევ უფრო გაიზრდება.