აზერბაიჯანი-სომხეთის საზღვარზე, კალბაჯარის რაიონის მიმართულებით სომხეთის შეიარაღებული ძალების მხრიდან განხორციელებული კიდევ ერთი პროვოკაციის შედეგად აზერბაიჯანელი სამხედრო დაიღუპა, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროს მიერ გავრცელებულ განცხადებაშია აღნიშნული.
მათივე ინფორმაციით, აზერბაიჯანის არმიის ქვედანაყოფების მიერ გატარებული შესაბამისი ღონისძიებების შედეგად მოწინააღმდეგე მხარის ქმედებები აღკვეთეს.
„სიტუაციის მორიგ დაძაბვაზე სრული პასუხისმგებლობა სომხეთის სამხედრო-პოლიტიკურ ხელმძღვანელობას ეკისრება,“- აღნიშნულია აზერბაიჯანის თავდაცვის უწყების განცხადებაში.