ავსტრიის დედაქალაქ ვენის ქუჩებში კორონავირუსის პანდემიის გამო ხელისუფლების მიერ დაწესებული შეზღუდვების გასაპროტესტებლად ათასობით ადამიანი გამოვიდა, - ინფორმაციას “რია ნოვოსტი“ ავრცელებს.

დემონსტრანტებს უჭირავთ ბანერები წარწერებით : „იძულებითი აცრა დიქტატურაა“, „თავისუფლებისთვის“. მათი ნაწილი სკანდირებს : „მთავრობა უნდა გადადგეს!“

ვენის ქუჩებში უსაფრთხოებას დაახლოებით 1.4 ათასი პოლიციელი იცავს.

შეგახსენებთ, 22 ნოემბრიდან ავსტრიის ხელისუფლებამ „ლოქდაუნი“ დააწესა, რომელიც კვირას დასრულდება მხოლოდ იმ პირებისთვის, რომლებიც ვაქცინირებული არიან, ან ვირუსი უკვე გადაიტანეს, არავაქცინირებისთვის კი შეზღუდვები კვლავ ძალაში დარჩება. ამასთან, 1-ელი თებერვლიდან ავსტრიაში ამოქმედდება კანონი, რომელიც 14 წლის ზემოთ ასაკის პირების სავალდებულო ვაქცინაციას ითვალისწინებს.