აშშ-ში, პანდემიის დაწყების დროიდან კოვიდ 19-ით 50 მილიონზე მეტი ადამიანი დაინფიცირდა, - შესაბამის მონაცემებს Reuters-ი საკუთარ გამოთვლებზე დაყრდნობით ავრცელებს.

სააგენტოს ცნობით, დაინფიცირების მაჩვენებლის ორთვიანი კლების შემდეგ, აშშ-ში, ბოლო 2 კვირაში, ახალი შემთხვევების რაოდენობის ზრდა ფიქსირდება.

იზრდება ჰოსპიტალიზებული პაციენტების რაოდენობაც. კერძოდ, ჰოსპიტალიზაციის მაჩვენებელი ნოემბრის ბოლოს შემდეგ 20%-ით გაიზარდა.

ამასთან, ბოლო ერთი თვის განმავლობაში, 4.6%-ით გაიზარდა გარდაცვალების შემთხვევებიც და აშშ-ში, პანდემიის დაწყების დროიდან დაღუპულთა რაოდენობამ, ჯამში, 800 000-ს გადააჭარბა.

კორონავირუსის ახალი, „ომიკრონ“ ვარიანტი აშშ-ის შტატების თითქმის ნახევარშია გამოვლენილი, თუმცა ინფიცირების ამჟამინდელი შემთხვევების 99%-ი, კვლავ „დელტა“ ვარიანტზე მოდის.