თბილისის მერია მეტროს 11 მატარებლის შეძენას გეგმავს, რისთვისაც 49,2 მილიონი ევრო დაიხარჯება - დაგეგმილია  10 მეტროსადგურის რეაბილიტაცია

თბილისში მეტროს ამორტიზებული მატარებლები ახლით შეიცვლება. ვაგონების განახლება შემდეგი 3 წლის განმავლობაშია დაგეგმილი.

როგორც „ინტერპრესნიუსს“ თბილისის მერიიდან გამოთხოვილი ინფორმაციის საპასუხოდ აცნობეს, დაგეგმილია 44 ახალი ვაგონის, 11 მატარებლის შესყიდვა, რომლის ჯამური ღირებულება დაახლოებით, 49,2 მილიონ ევროს შეადგენს.

„მეტროს ახალი ვაგონების შესყიდვის მიზნით EBRD-ის პროცედურებით გამოცხადებულ ტენდერში გამარჯვებულად გამოვლინდა სს "მეტროვაგონმაში", დაგეგმილია 44 ახალი ვაგონის (11 მატარებლის) შესყიდვა, რომელთა ჯამური ღირებულება შეადგენს დაახლოებით, 49,2 მილიონ ევროს. მოწოდება დაგეგმილია 36 თვის განმავლობაში. პირველ წელს ვგეგმავთ 8 ვაგონის მოწოდებას“, - აცხადებენ თბილისის მერიაში.

ამასთან, მერიის ინფორმაციითვე, EBRD-ის მხარდაჭერით დაგეგმილია არანაკლებ 10 მეტროსადგურის რეაბილიტაცია.

„მეტროსადგურების რეაბილიტაციისთვის წინასწარი ბიუჯეტი 45 მილიონ ევროს შეადგენს. დაგეგმილია გურამიშვილის, სადგურის მოედნის, სარაჯიშვილის, მარჯანიშვილის, თავისუფლების მოედნის, 300 არაგველის, რუსთაველის, ისნის, წერეთლის და მეტრო ნაძალადევის რეაბილიტაცია.

რაც შეეხება ვარკეთილის მეტროსადგურს სრულდება პროექტირების სამუშაოები.

სამშენებლო სამუშაოებზე შესყიდვა გამოცხადდება შემდეგი წლის დასაწყისში. ამასთან, მეტროსადგურ გოცირიძის (მათ შორის ბაქნის) რეაბილიტაციის მიზნით, 11 ნოემბერს დაიდო ხელშეკრულება ახალ კომპანიასთან შპს "მამისონთან". სამუშაოების დასრულება დაგეგმილია 7 თვეში“, - აცხადებენ თბილისის მერიაში.

გარდა ამისა, „ინტერპრესნიუსისთვის“ მოწოდებული ინფორმაციის თანახმად, მერია აქტიურად მუშაობს ახმეტელის და მარჯანიშვილის მეტროსადგურების მეორე ამოსასვლელების მოწყობაზე.

„აღნიშნულთან დაკავშირებით მოლაპარაკებები მიმდინარეობს ADB-თან. ამ ეტაპზე მიმდინარეობს ტექნიკურ-ეკონომიკური კვლევები, რის საფუძველზეც მიღებული იქნება შესაბამისი გადაწყვეტილება“, - განუცხადეს „ინტერპრესნიუსს“ თბილისის მერიაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი