ბრიტანელმა მეცნიერებმა დაადგინეს, რომ კოვიდ-19-ის ორი დოზით ვაქცინაცია კოროვირუსის „ომიკრონ“ ვარიანტის წინაღმდეგ საკმარის გამანეიტრალებელ ანტისხეულებს არ წარმოქმნის, - Reuters-ის ინფორმაციით, ამის შესახებ ოქსფორდის უნივერსიტეტის მეცნიერების მიერ გამოქვეყნებულ კვლევაშია აღნიშნული.

კვლევის ფარგლებში მეცნიერებმა გააანალიზეს იმ მონაწილეების სისხლის ნიმუშები, რომლებიც „ასტრაზენეკა-ოქსფორდის“ ან „ფაიზერ-ბიონტექის“ ვაქცინით იყვნენ აცრილები.

კვლევის თანახმად, ჯერჯერობით არ არსებობს მტკიცებულება, რომ ინფექციასთან მებრძოლი ანტისხეულების დაბალმა დონემ ვაქცინების ორი დოზით ვაქცინირებულებში შეიძლება გამოიწვიოს დაავადების მძიმე სიმპტომების, ჰოსპიტალიზაციის ან სიკვდილის მაღალი რისკი.

„ეს მონაცემები მნიშვნელოვანია, მაგრამ სურათის მხოლოდ ერთი ნაწილია. ისინი მხოლოდ მეორე დოზის მიღების შემდეგ განიხილავდნენ გამანეიტრალებელ ანტისხეულებს, მაგრამ არაფერს გვეუბნებიან უჯრედული იმუნიტეტის შესახებ, რაც ასევე შემოწმდება“, - განაცხადა ოქსფორდის უნივერსიტეტის პროფესორმა მეთიუ სნეიპმა.