თურქეთის პრეზიდენტი რეჯეფ თაიფ ერდოღანი 2022 წლის დასაწყისში უკრაინაში ვიზიტს გეგმავს, - უკრაინული მედიის ინფორმაციით, ამის შესახებ ქვეყნის საგარეო საქმეთა მინისტრმა დმიტრო კულებამ განაცხადა.

მისი თქმით, თურქეთის პრეზიდენტი უკრაინაში სტრატეგიული დონის მოლაპარაკებებს გამართავს.

„გესმით, რა მნიშვნელოვანია ეს ვიზიტი უსაფრთხოების კონტექსტში და ყირიმის საკითხისთვის“, – განაცხადა უკრაინის საგარეო უწყების ხელმძღვანელმა.

შეგახსენებთ, ანკარამ გააჟღერა ინიციატივა, რომელიც უკრაინასა და რუსეთს შორის, სიტუაციის ესკალაცია თავიდან აცილების მიზნით, თურქეთის მიერ შუამავლის როლის შესრულებას ითვალისწინებს.