თეონა აქუბარდია - როცა ვსაუბრობთ რუსულ ოკუპაციაზე და იმის თაობაზე, რომ თავდაცვის შესაძლებლობების გაძლიერება ქვეყნის პრიორიტეტია, სამწუხაროდ, ეს პრიორიტეტი ბიუჯეტში არ იკითხება
როდესაც ვსაუბრობთ რუსულ ოკუპაციაზე და იმის თაობაზე, რომ თავდაცვის შესაძლებლობების გაძლიერება ქვეყნის პრიორიტეტია, სამწუხაროდ, ეს პრიორიტეტი ბიუჯეტში არ იკითხება, - აღნიშნული განცხადება პარლამენტის პლენარულ სხდომაზე ოპოზიციონერმა დეპუტატმა თეონა აქუბარდიამ გააკეთა.
როგორც აქუბარდიამ 2022 წლის სახელმწიფო ბიუჯეტის პროექტის განხილვისას განაცხადა, საჭიროა თავდაცვის სამინისტროს ბიუჯეტში ზრდა არა მხოლოდ ხელფასების, არამედ თავდაცვის შესაძლებლობების მიმართულებით იყოს. მისი თქმით, ამ მხრივ პარლამენტში წარდგენილი ბიუჯეტის პროექტი კრიტიკას ვერ უძლებს.
“წარმოდგენილ ბიუჯეტში თავდაცვის შესაძლებლობები იმ მინიმალურ სტანდარტსაც არ აკმაყოფილებს, რაც ქვეყნის თავდაცვის უნარიანობისთვის არის აუცილებელი. იმისთვის, რომ თავდაცვისუნარიანობა გავზარდოთ, თავდაცვის ბიუჯეტი იმ საფრთხეების ადეკვატური უნდა იყოს, რაც ქვეყნის წინაშე დგას“, - განაცხადა თეონა აქუბარდიამ.
2022 წლის სახელმწიფო ბიუჯეტის პროექტით, თავდაცვის სამინისტროს ასიგნებები გაზრდილია 40.0 მლნ ლარით. უწყების მთლიანი დაფინანსება 1 002.4 მლნ ლარს შეადგენს.
v-if="article.gallery" v-html="article.gallery"
