გერმანიის საქსონიის მხარეში სამართალდამცავებმა ანტივაქსერების ჯგუფი დააკავეს, რომელიც მხარის პრემიერს, მიხაელ კრეტშმერსა და მხარის სხვა ოფიციალურ პირებს კოვიდშეზღუდვების მხარდაჭერის გამო სიკვდილით ემუქრებოდა.
მედიის ინფორმაციით, მუქარის განხორციელებაში ეჭვიტანილი ულტრა მემარჯვენე ანტივაქსერების დასაკავებლად პოლიციამ რეიდები რამდენიმე ლოკაციაზე ჩაატარა.
გერმანიის კანცლერმა, ოლაფ შოლცმა, პარლამენტში სიტყვით გამოსვლისას განაცხადა, რომ „თავაშვებული ექსტრემისტების ამ პატარა უმცირესობას“ არ მიეცემა უფლება, საკუთარი ნება საზოგადოებას მოახვიოს.