აზერბაიჯანი სომხეთისთვის რუსეთის ფედერაციასთან პირდაპირი სარკინიგზო მიმოსვლის გახსნას დათანხმდა.

ამის შესახებ „ტვიტერის“ საკუთარ გვერდზე სომხეთის პრემიერ - მინისტრი ნიკოლ ფაშინიანი წერს.

„შარლ მიშელთან და აზერბაიჯანის პრეზიდენტთან სამმხრივ შეხვედრაზე დავადასტურეთ შეთანხმება სარკინიგზო მიმოსვლის განახლების შესახებ საერთაშორისოდ აღიარებული სასაზღვრო და საბაჟო წესების საფუძველზე. სომხეთი მიიღებს სარკინიგზო წვდომას რუსეთისა და ირანისკენ“ , - წერს ფაშინიანი.

ცნობისთვის, ამჟამად სომხეთი რუსეთთან ვაჭრობას საქართველოს გავლით საავტომობილო სატრანზიტო გზით ახორციელებს.