გორის სამხედრო ჰოსპიტალში სახელმწიფო ინსპექტორის სამსახურის გამომძიებლის მიერ ყოფილი პრეზიდენტის მიხეილ სააკაშვილის გამოკითხვა დასრულდა.

როგორც გამომძიებელმა გიორგი მიქელაძემ განმარტა, კითხვები შეეხებოდა ყველა იმ გარემოებას, რომელიც ყოფილი პრეზიდენტის პირველი გამოკითხვის შემდეგ გამოვლინდა.

"მიხეილ სააკაშვილის გამოკითხვა შეეხებოდა პირველი გამოკითხვის შემდეგ მის მიერ და ასევე, საჯაროდ გავრცელებულ სხვა ინფორმაციებს. კითხვები შეეხო იმ გარემოებებს, რომელიც გამოიკვეთა პირველი გამოკითხვის შემდეგ, მათ შორის, მისი სასამართლო პროცესზე გაკეთებული განცხადებებიდან. ყველა პირი იკითხება თუ ვინმეს შემხებლობაშია, ან რაიმე ინფორმაციას თეორიულად შეიძლება ფლობდეს. სახელმწიფო ინსპექტორის სამსახურმა პენიტენციური სამსახურისგან მოიპოვა მოთხოვნილი ინფორმაცია სრულად", - განაცხადა მიქელაძემ.