ოფიციალურ პეკინთან ურთიერთობის დაძაბვის გამო, ლიეტუველი დიპლომატების დელეგაციამ ჩინეთი დატოვა. გამოცემა Reuters წერს, რომ ქვეყნებს შორის ორმხრივი ურთიერთობები მას შემდეგ გართულდა, რაც ლიეტუვას დედაქალაქ ვილნიუსში ტაივანის წარმომადგენლობის ოფისი გაიხსნა.
როგორც ცნობილია, 19-კაციანმა დელეგაციამ პეკინი ოთხშაბათს დატოვა და ისინი პეკინიდან პარიზის მიმართულებით გაფრინდნენ.
ლიეტუვას ხელისუფლების განცხადების მიხედვით, მათ საელჩოს წარმომადგენლები ქვეყანაში კონსულტაციების მიზნით გამოიწვიეს და გარკვეული პერიოდით საელჩო დისტანციურ რეჟიმში იმუშავებს.
შეგახსენებთ, ჩინეთი კუნძულ ტაივანს საკუთარ ტერიტორიად მიიჩნევს, თავად ტაივანი კი აცხადებს, რომ სუვერენულ სახელმწიფოა.