დიმიტრი პესკოვი - გერმანიის მიერ რუსი დიპლომატების გაძევება რუსულ-გერმანულ ურთიერთობებში არასასიამოვნო ეპიზოდია

რუსეთის პრეზიდენტის პრესსპიკერი დიმიტრი პესკოვი აცხადებს, რომ საქართველოს მოქალაქის, ზელიმხან ხანგოშვილის მკვლელობის საქმეზე სასამართლოს მიერ განაჩენის გამოტანის შემდეგ რუსი დიპლომატების გერმანიიდან გაძევება რუსულ-გერმანულ ურთიერთობებში არასასიამოვნო ეპიზოდია, თუმცა ამან ვლადიმერ პუტინსა და ოლაფ შოლცს შორის დიალოგის პერსპექტივას ხელი არ უნდა შეუშალოს.

„ეს ეპიზოდი, უსიამოვნოა ორმხრივ ურთიერთობებში, მაგრამ მიგვაჩნია, რომ ამან არავითარ შემთხვევაში არ უნდა იმოქმედოს პრეზიდენტ პუტინსა და გერმანიის ახალ კანცლერს შორის დიალოგის დამყარების პერსპექტივაზე“, - აღნიშნა კრემლის ოფიციალურმა წარმომადგენელმა.

შეგახსენებთ, გუშინ გერმანიის სასამართლომ რუსეთის მოქალაქეს, 56 წლის ვადიმ კრასიკოვს, რომელმაც 2019 წელს, ბერლინის პარკში საქართველოს მოქალაქე ზელიმხან ხანგოშვილი მოკლა, სამუდამო პატიმრობა მიუსაჯა. განაჩენის გამოცხადების შემდეგ, გერმანიამ ორი რუსი დიპლომატი პერსონა ნონ გრატად გამოაცხადა. რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა, რომ საქმე პოლიტიკურად მოტივირებულია. გერმანიის კანცლერის, ოლაფ შოლცის თქმით კი, რუსი დიპლომატების გაძევება მართებული გადაწყვეტილებაა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში