გაერთიანებული სამეფოდან საფრანგეთში შესვლა ტურისტული მიზნით იკრძალება, პირებს ქვეყანაში შესასვლელად ,,დამაჯერებელი მიზეზების" წარდგენა მოუწევთ. ინფორმაციას CNN ავრცელებს.

შეზღუდვები ძალაში 17 დეკემბრის ღამიდან ამოქმედდება.

საფრანგეთის მთავრობის თანახმად, მოგზაურობის დამაჯერებელი მიზეზი შეიძლება ჰქონდეთ ჯანდაცვის ან კვლევის სექტორში მომუშავე ადამიანებს, უმაღლესი დონის სპორტსმენებს, გაცვლით სტუდენტებს ან პირებს, რომლებსაც ნათესავის სიკვდილის ან მძიმე ავადმყოფობის გამო მოგზაურობა უწევთ.

ნებისმიერმა პირმა, ვაქცინირებულია თუ არა ის, უნდა წარმოადგინოს უარყოფითი PCR და ქვეყანაში ჩასვლისთანავე კარანტინში 48 საათი გაატაროს.

13 დეკემბერს გაერთიანებულ სამეფოში 78 610 ახალი შემთხვევა დაფიქსირდა, რაც ინფიცირების დღიური მაქსიმალური მაჩვენებელი იყო. დადასტურებული შემთხვევებიდან 10 017 ადამიანს ომიკრონ შტამი დაუფიქსირდა.