იაპონიის ქალაქ ოსაკაში, შენობაში გაჩენილ ხანძარს სულ მცირე 27 ადამიანი ემსხვერპლა. ადგილობრივი მედიის ინფორმაციით, ხანძარი 8-სართულიანი შენობის მე-4 სართულზე გაჩნდა, სადაც სამედიცინო კლინიკა, ინგლისური ენის სკოლა და სხვა ობიექტების ოფისებია განთავსებული.

მაშველებმა შენობიდან 23 დაშავებულის გამოყვანა შეძლეს. რამდენიმე მათგანი მძიმე მდგომარეობით უახლოეს საავადმყოფოში გადაიყვანეს. ხანძრის გამომწვევი მიზეზი ჯერჯერობით უცნობია. პოლიციამ მომხდართან დაკავშირებით გამოძიება დაიწყო.