გიგა ბოკერია - დისკუსიის წინააღმდეგი არ ვარ, მათ შორის მწარე პოლიტიკურ ოპონენტთან, ოღონდ მონაწილეობას რაღაც სიმულაციებში არ ვაპირებ

ჯერჯერობით სამწუხაროდ, ოპტიმიზმისთვის წინაპირობები არ გვაქვს, - ამის შესახებ „ევროპული საქართველოს“ თავმჯდომარემ, გიგა ბოკერიამ ჟურნალისტებთან განაცხადა, რითაც ის საქართველოს პრეზიდენტის სალომე ზურაბიშვილის განცხადებებს გამოეხმაურა.

როგორც ბოკერიამ აღნიშნა, სიტყვების ნაცვლად, ქმედებებით უნდა ვიმსჯელოთ.

„ჯერჯერობით, სამწუხაროდ, წინაპირობები ოპტიმიზმისთვის არ გვაქვს. თუ აღმოჩნდება, რომ ვისაც ძალაუფლება აქვს, მზად არის იმოქმედოს და შეაჩეროს ის კატასტროფული კურსი, რაც ივანიშვილისა და მის გარემოცვას აქვს, მხოლოდ მოხარული ვიქნებით. არ ვართ დისკუსიის წინააღმდეგი, მათ შორის მწარე პოლიტიკურ ოპონენტთან, ვისაც მტრად მიაჩნიხარ, ოღონდ მონაწილეობას რაღაც სიმულაციებში არ ვაპირებ, რადგან უცნაური მიმდევრობაა, ჯერ უცხოეთში ფორუმზე ამის გამოცხადება, მერე რაღაც ცერემონიის დაგეგმვა და ფიქრი იმაზე, თუ როგორი შეიძლება იყოს პროცესი. პირიქით უნდა ყოფილიყო, ეს უფრო ნორმალური იქნებოდა.

თავისუფალი სამყაროს მოლოდინი, თუ მისი წევრობა გსურს, რაც ივანიშვილის რეჟიმს არ სურს, არის ის, რომ სასამართლო თავისუფალი იქნება, არ იქნება ძალადობა, პოლიტიკური დევნა, იქნება კანონის უზენაესობა - ეს არის დაკვეთა. ივანიშვილის რეჟიმი სიმულაციებს ხშირად ახდენდა იმისთვის, რომ გარეთ თუ რამე თავის ტკივილი აქვს, ამას რაღაცნაირად მიხედოს.

როცა მესმის განცხადება, რაც ტრივიალური ჭეშმარიტებაა, რომ ყველა შანსი უნდა გამოიყენო, რა თქმა უნდა, ეს ასეა. ოღონდ თუ ყველანაირი წინაპირობაა, რომ ეს სიმულაცია ან დეკორაცია იყოს, მაშინ ამაში მონაწილეობა პირიქით გაშორებს ამოცანას“, - განაცხადა ბოკერიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!