რატი ბრეგაძე - საქართველოში შექმნილი ინოვაციური მოწყობილობის, „პრობბოქსის“ ექსპორტი და პრობაციის ევროპული კონფედერაციის ინოვაციების კონკურსზე გატანა იგეგმება

საქართველოში შექმნილი ინოვაციური მოწყობილობის, „პრობბოქსის“ ექსპორტი და პრობაციის ევროპული კონფედერაციის ინოვაციების კონკურსზე გატანა იგეგმება - ამის შესახებ იუსტიციის მინისტრმა, რატი ბრეგაძემ საკანონმდებლო ორგანოში საუბრისას განაცხადა.

მინისტრის თქმით, პირობით მსჯავრდებულები Probbox-ის საშუალებით იმ მომსახურებებს მიიღებენ, რომელიც მათთვის აქამდე მხოლოდ პრობაციის ბიუროებში გამოცხადებით იყო ხელმისაწვდომი.

კერძოდ, Probbox-ის გამოყენებით პრობაციონერები პირად გვერდზე შესვლით რეჟიმით გათვალისწინებულ გრაფიკს, საქმისმწარმოებელი პრობაციის ოფიცრის საკონტაქტო მონაცემებს გაეცნობიან. თავად გააკეთებენ განაცხადს რეჟიმის შემსუბუქების მოთხოვნასთან დაკავშირებით, გაეცნობიან თავიანთ უფლება-მოვალეობებს, მიიღებენ ინფორმაციას საზღვრის კვეთასთან და დადგენილ საფასურთან დაკავშირებით, გაეცნობიან პირობითი მსჯავრის გაუქმებისა და ნასამართლეობის მოხსნის შესახებ დაწესებულ მოთხოვნებს და შეძლებენ, გადაიხადონ რეჟიმის დარღვევისთვის დაკისრებული ჯარიმა. ასევე, საზღვარგარეთ გამგზავრების ნებართვისა და შინაპატიმრობის მომსახურების საფასურის გადახდასაც შეძლებენ და გაეცნობიან შეთავაზებებს სხვადასხვა სერვისებისა თუ დასაქმების შესახებ, რომელსაც სააგენტო სთავაზობს.

იუსტიციის მინისტრმა ევროპაში ანალოგის არმქონე მოწყობილობის შექმნის წინაპირობებზე ისაუბრა.

რატი ბრეგაძის განცხადებით, Probbox-ის შექმნა რამდენიმე ფაქტორმა განაპირობა. მათ შორის, ძირითადი პირობით მსჯავრდებულთა რესოციალიზაციის ხელშეწყობისთვის კონფიდენციალურობის დაცვა, სერვისების გეოგრაფიული ხელმისაწვდომობის გაზრდა და სამინისტროს სისტემაში მოქალაქეთა საჭიროებებზე მორგებული მაღალტექნოლოგიური მომსახურებების განვითარებაა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!