უკრაინაში კორონავირუსის „ომიკრონ“ შტამით ინფიცირების პირველი შემთხვევა დაფიქსირდა, - მედიის ინფორმაციით, ამის შესახებ უკრაინის ჯანდაცვის მინისტრი, ვიქტორ ლიაშკო „ფეისბუქში“ წერს.
მისი თქმით, დაინფიცირებულ პირს არაბთა გაერთიანებულ საამიროებში მოგზაურობის ისტორია აქვს.
მინისტრის განცხადებით, მიმდინარეობს ეპიდემიოლოგიური კვლევა და კონტაქტების შემოწმება.
შეგახსენებთ, კორონავირუსის „ომიკრონ“ ვარიანტი პირველად სამხრეთ აფრიკაში, ნოემბრის ბოლოს დაფიქსირდა. მას სპეციალისტები ჯერ კიდევ იკვლევენ იმის დასადგენად, იწვევს თუ არა აქამდე აღმოჩენილ ვარიანტებთან შედარებით უფრო მძიმე დაავადებას. ჯანდაცვის მსოფლიო ორგანიზაცია აცხადებენ, რომ „ომიკრონი“ „ძალიან მაღალ" გლობალურ რისკს წარმოადგენს.ა