გერმანია ბრიტანეთიდან შესული მგზავრებისთვის ორშაბათიდან კარანტინს დააწესებს და ასევე ქვეყანაში შესვლის შემდეგ კორონავირუსის ტესტის უარყოფითი პასუხის წარდგენას მოითხოვს. ინფორმაციას Reuters ავრცელებს.

გერმანიის ჯანდაცვის რეგიონულმა მინისტრებმა შაბათს ეროვნულ მთავრობას მოუწოდეს, შემოიღო უფრო მკაცრი წესები ბრიტანეთიდან ჩამოსულ ადამიანებზე, სადაც კორონავირუსის "ომიკრონ" ვარიანტის შემთხვევების ზრდა ფიქსირდება.

„ომიკრონის შემთხვევების ზრდა დიდ ბრიტანეთში ძალიან აშკარაა... ჩვენ უნდა ავიცილოთ თავიდან მისი გავრცელება რაც შეიძლება დიდხანს და შევანელოთ ის მაქსიმალურად“, - ნათქვამია მინისტრების განცხადებაში.

ბრიტანეთში ბოლო სამი დღის განმავლობაში ყოველდღიურ შემთხვევათა მაქსიმალური რაოდენობა ფიქსირდება. პარასკევს ინფიცირებულთა რიცხვმა 90 000-ს გადააჭარბა.