ანზორ ერქომაიშვილის სახელობის ფოლკლორის სახელმწიფო ცენტრის ინიციატივით, 20 დეკემბერს პოეზიის საღამო - ,,ლექსო, არ დაიკარგები'' გაიმართება

ანზორ ერქომაიშვილის სახელობის ფოლკლორის სახელმწიფო ცენტრის ინიციატივით 20 დეკემბერს, 19:00 საათზე ვახუშტი კოტეტიშვილის სახელობის ხალხური პოეზიის საღამო - ,,ლექსო, არ დაიკარგები'' გაიმართება.

ორგანიზატორების ინფორმაციით, საღამო ვასო აბაშიძის სახელობის ახალ თეატრში ჩატარდება და ტრადიციულად ფოლკლორისტები: ეთერ თათარაიძე და ამირან არაბული წაუძღვებიან.

„ღონისძიებაში მონაწილეობენ: მთქმელები და ავტორმთქმელები, ზეპირსიტყვიერების შემკრებები, მომღერლები, მოცეკვავეები, ფაქტობრივად, მთელი საქართველოდან. საღამოზე მოისმენთ ქისტი და ოსი ქალების ქართულ კაფიაობას და ბევრ საინტერესო შესრულებას.

ხელნაკეთი მოსაწვევი ბარათები ყვავილებითა და ხალხური პოეზიის ნიმუშებით შექმნეს ზურა შევარდნაძემ, ეთერ თათარაიძემ და ამირან არაბულმა”, - აღნიშნულია ინფორმაციაში.

ღონისძიების მხარდამჭერები არიან: საქართველოს კულტურის, სპორტისა და ახალგაზრდობის სამინისტრო; ვასო აბაშიძის სახელობის ახალი თეატრი; გარდენია შევარდნაძე, ჯიდი ალკო და „ალკორიუმი“.

„ხალხური პოეზიის საღამოები მრავალწლიანი პაუზის შემდეგ ფოლკლორის სახელმწიფო ცენტრის ინიციატივით 2008 წელს აღდგა, მას შემდეგ ვახუშტი კოტეტიშვილის სახელობის პოეზიის საღამო ყოველ წელს ეწყობა. ერთადერთი გამონაკლისი იყო 2020 წელი, პანდემიის გამო საღამო ვერ ჩატარდა.

ზეპირსიტყვიერების პირველი საღამო ქართული ენის სახელმწიფო ენის აღიარების მნიშვნელოვანი დღის წლისთავს დაამთხვიეს და 1979 წლის 14 აპრილს, ფილარმონიის დიდი საკონცერტო დარბაზი ხალხს ვერ იტევდა… მქუხარე ტაშის ფონზე წარიმართა პირველი საღამო და ასე გაგრძელდა მრავალი წელი. დაიწყეს თენგიზ მირზაშვილმა, ვახუშტი კოტეტიშვილმა, ალექსი ჭინჭარაულმა... დღეს აგრძელებენ ეთერ თათარაიძე და ამირან არაბული”, - აღნიშნულია ინფორმაციაში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის