გვატემალაში მიწის გამო ორ მუნიციპალიტეტს შორის მომხდარი დაპირისპირების შედეგად 13 ადამიანი გარდაიცვალა, მათ შორის არიან ქალებიც და ბავშვებიც. ინფორმაციას DW ავრცელებს.
უცნობია, როგორ მოხდა მკვლელობა, თუმცა პოლიციელების თქმით, ეს იყო ,,გაუგებარი და წარმოუდგენელი ძმათა მკვლელობა“.
ადგილობრივი პოლიციის ინფორმაციით, დაღუპულთა შორის არის ერთი გარდაცვლილი სამართალდამცავი, ხოლო ორი მათგანი კი დაშავდა.
„პირველივე მომენტიდან დაინიშნენ საჭირო პოლიციელები, რათა ამ დანაშაულებზე პასუხისმგებელი პირების მოძიება მოხდეს და შეფასდეს ახალი სტრატეგიები, რომ თავიდან იქნეს არიდებული უფრო სამწუხარო მოვლენები“,- ნათქვამია განცხადებაში.