ნატოში აცნობიერებენ, რომ არ შეიძლება რუსეთის მტკივნეულ წერტილებზე მუდმივად დაბიჯება, წინააღმდეგ შემთხვევაში მოსკოვს სამხედრო პასუხის გაცემა მოუწევს, - ამის შესახებ სამხედრო უსაფრთხოებისა და შეიარაღების კონტროლის საკითხებზე ვენის მოლაპარაკებებში რუსეთის დელეგაციის ხელმძღვანელმა კონსტანტინ გავრილოვმა ტელეკომპანია Russia 24-ის ეთერში განაცხადა.

„საუბარი სერიოზული უნდა იყოს და ნატოში ყველას კარგად ესმის, რომ აუცილებელია კონკრეტული პოლიტიკური ქმედებების განხორციელება, წინააღმდეგ შემთხვევაში ალტერნატივა რუსეთის სამხედრო-ტექნიკური და სამხედრო პასუხებია“, - განაცხადა მან.

პარასკევს, რუსეთის საგარეო საქმეთა სამინისტრომ გამოაქვეყნა ნატოსთან და შეერთებულ შტატებთან უსაფრთხოების ხელშეკრულებების პროექტები, სადაც მოსკოვი დაჟინებით მოითხოვს გარანტიებს, რომ ალიანსი აღმოსავლეთით არ გაფართოვდება.