პოსტსაბჭოთა სივრცის ქვეყნები ყოველთვის იქნებიან რუსეთის გეოპოლიტიკურ პრიორიტეტებს შორის, მოსკოვს ესმის ამ მეზობლების მნიშვნელობა, - რუსული მედიის ინფორმაციით, ამის შესახებ ქვეყნის საგარეო საქმეთა მინისტრის მოადგილემ ანდრეი რუდენკომ განაცხადა.

„ნებისმიერ შემთხვევაში, სადაც არ უნდა წავიდნენ ეს ქვეყნები, არ აქვს მნიშვნელობა როგორ განვითარდებიან, ისინი ყოველთვის იქნებიან ჩვენი პრიორიტეტი, მათ შორის გეოპოლიტიკურ პრიორიტეტებს შორის, გეოპოლიტიკური კონტექსტის მიუხედავად. ეს ჩვენი ყოფილი საერთო საბჭოთა წარსულის ნაწილია", - აღნიშნა რუდენკომ.

მისი თქმით, პოსტსაბჭოთა სივრცეში სახელმწიფოები ჩამოყალიბდნენ დამოუკიდებელ სუვერენულ სუბიექტებად, რომლებსაც აქვთ საკუთარი საშინაო და საგარეო პოლიტიკა და განსაზღვრავენ თავიანთ ინტერესებს.

„რუსეთის მომავალი ამ ქვეყნებთან ერთად არის. ჩვენ გავაგრძელებთ ამ მიმართულებით მოქმედებას, ვაცნობიერებთ რა ამ მნიშვნელოვანი გარემოცვის სრულ ღირებულებას და მნიშვნელობას", - აღნიშნა რუდენკომ.