ევროპის მედიკამენტების სააგენტომ Novavax-ის კორონავირუსის საწინააღმდეგო ვაქცინის გამოყენების ნებართვა გასცა.

„ნუვაქსოვიდი“ მეხუთე ვაქცინა გახდა, „ფაიზერ/ბიონტექის“, „ასტრაზენეკა/ოქსფორდის“, „მოდერნასა“ და „ჯონსონ & ჯონსონის“ შემდეგ, რომლის გამოყენებაც ევროკავშირშია დასაშვები.

ვაქცინა შეიცავს პათოგენის გასუფთავებულ ფრაგმენტებს, რომლებიც შესაბამის იმუნურ პასუხს იწვევენ.

კლინიკური კვლევების ივნისში გამოქვეყნებულმა შედეგებმა აჩვენა, რომ ვაქცინა 90.4%-ით ეფექტურია დაავადების წინააღმდეგ, მძიმე შემთხვეების მიმართ კი 100%-იანი ეფექტურობა აქვს.

კომპანიაში აცხადებენ, რომ მიმდინარეობს შეფასება, როგორ მოქმედებს მათი ვაქცინა კორონავირუსის „ომიკრონ“ ვარიანტის წინააღმდეგ და ამასთან, მიმდინარეობს მუშაობა სპეციფიკური ვერსიის შექმნაზე.

აღსანიშნავია, რომ ევროკომისიას ვაქცინის 200 მილიონი დოზის შესყიდვაზე Novavax-თან კონტრაქტი წინასწარ აქვს გაფორმებული.