გერმანიის საგარეო საქმეთა სამინისტრო რუსეთის მიერ ორი გერმანელი დიპლომატის გაძევებას ეხმიანება და აცხადებს, რომ ეს ნაბიჯი ბერლინსა და მოსკოვს შორის ურთიერთობებს აუარესებს.
„ეს ნაბიჯი არ არის გასაკვირი, მაგრამ სრულიად გაუმართლებელია. რუსეთის საგარეო საქმეთა სამინისტროს გადაწყვეტილება კვლავ ძაბავს ურთიერთობებს,“ - ნათქვამია გერმანიის საგარეო საქმეთა სამინისტროს განცხადებაში.
შეგახსენებთ, საქართველოს მოქალაქის, ზელიმხან ხანგოშვილის მკვლელობის საქმეზე განაჩენის გამოტანის შემდეგ ბერლინის მიერ რუსი დიპლომატების გაძევების საპასუხოდ, მოსკოვმა ორი გერმანელი დიპლომატი პერსონა ნონ გრატად გამოაცხადა.