მალაიზიაში სამდღიანი ძლიერი წვიმის შედეგად გამოწვეულ წყალდიდობას მინიმუმ 14 ადამიანი ემსხვერპლა, - ინფორმაციას BBC-ი ავრცელებს.
გამოცემის ცნობით, რამდენიმე ადამიანი დაკარგულად ითვლება და ამიტომ, არ არის გამორიცხული, მსხვერპლის რიცხვი კიდევ უფრო გაიზარდოს.
ამ დრომდე ევაკუირებულია დაახლოებით 51 000 ადამიანი. მათი უმრავლესობა მალაიზიის აღმოსავლეთ სანაპიროზე მდებარე პაჰანგიდან არის, რომელიც სტიქიისგან ერთ-ერთი ყველაზე მეტად დაზარალებული რეგიონია.