კორონავირუსის „ომიკრონ“ ვარიანტის გავრცელების პრევენციის მიზნით ტაილანდში უცხოელი ვიზიტორებისთვის კარანტინის გავლა სავალდებულო გახდა.

ახალი რეგულაციის მიხედვით, ნებისმიერ ტურისტს, რომელიც ტაილანდის საზღვარს გადაკვეთს, იმის მიუხედავად აცრილია თუ არა, სავალდებულო კარანტინის გავლა მოუწევს. Reuters-ის ინფორმაციით, კარანტინის ვადა 7-დან 10 დღემდეა განსაზღვრული. ტაილანდის ხელისუფლებამ გადაწყვეტილება მას შემდეგ მიიღო, რაც ქვეყანაში „ომიკრონ“ ვარიანტის პირველი შემთხვევა დაფიქსირდა. კანონი ძალაში 24 დეკემბრიდან შევა.