ამ ტიპის აქციები, რომლებიც არ არის საერთო გეგმაში მოქცეული, მხოლოდ და მხოლოდ გვაშორებს "ქართული ოცნების" დამარცხების მიზანს, - ამის შესახებ „ევროპული საქართველოს“ წევრმა ლაშა დამენიამ დღეს დაგეგმილ „ნაციონალური მოძრაობის" აქციასთან დაკავშირებით განაცხადა.

როგორც დამენიამ აღნიშნა, „ქართული ოცნების“ წინააღმდეგ ბრძოლა აუცილებელია გააზრებული იყოს.

„მიუხედავად იმისა, რომ აქციები არის მნიშვნელოვანი ინსტრუმენტი ავტორიტარული რეჟიმების წინააღმდეგ, აუცილებელია ეს ბრძოლა იყოს კარგად გააზრებული და კომპლექსური, ამ ტიპის აქციები, რომლებიც არ არის საერთო გეგმაში მოქცეული მხოლოდ და მხოლოდ გვაშორებს იმ საერთო მიზანს, რასაც "ქართული ოცნების" დამარცხება ჰქვია", - განაცხადა ლაშა დამენიამ.

ცნობისთვის, რუსთაველის გამზირზე „ნაციონალური მოძრაობა“ აქციას დღეს გამართავს. ორგანიზატორების თქმით, საპროტესტო აქციის გამო, რუსთაველის გამზირი გადაიკეტება და ტრანსპორტის მოძრაობა შეიზღუდება.

აქცია18:00 საათზე დაიწყება და ის ყოფილი პრეზიდენტის მიხეილ სააკაშვილის გათავისუფლების მოთხოვნით იმართება.