აშშ-ის სახელმწიფო მდივანი ენტონი ბლინკენი აცხადებს, რომ რუსეთის მიერ შეთავაზებულ წინადადებებში არსებობს საკითხები, რაც განუხორციელებელია, მაგრამ შესაძლოა, იყოს ისეთებიც, რომელთა განხილვაც მისაღები იყოს, ისევე როგორც არსებობს საკითხები, რასაც აშშ მოლაპარაკებების მაგიდაზე დადებს და მათზე რუსეთმა პასუხი უნდა გასცეს.
„ერთ ქვეყანას არ აქვს უფლება, ძალით შეცვალოს მეორეს საზღვრები, ერთ ქვეყანას არ აქვს უფლება, უკარნახოს მეორეს პოლიტიკა ან უთხრას, ვისთან შეიძლება კავშირი ჰქონდეს, ერთ ქვეყანას არ აქვს გავლენის სფეროების გამოვლენის უფლება,“- აღნიშნა ბლინკენმა
მისი თქმით, აშშ-ს რუსეთთან უფრო პროგნოზირებადი და სტაბილური ურთიერთობა სურს, თუმცა თუ რუსეთი გააგრძელებს დაუფიქრებელ ან აგრესიულ ქმედებებს, აშშ მას მკაცრად უპასუხებს.