გაერთიანებულ სამეფოში, გასული დღის განმავლობაში, კორონავირუსის 106 122 ახალი შემთხვევა დაფიქსირდა, რაც რეკორდული მაჩვენებელია პანდემიის დაწყების დროიდან.

გაერთიანებული სამეფოს მთავრობაში აცხადებენ, რომ ბოლო 7 დღის განმავლობაში დაინფიცირების შემთხვევების ზრდა კორონავირუსის „ომიკრონ“ ვარიანტის გავრცელებითაა გამოწვეული.

პრემიერ-მინისტრმა ბორის ჯონსონმა შობამდე ახალი შეზღუდვების დაწესება გამორიცხა, თუმცა აღნიშნა, რომ სიტუაციის გაუარესების შემთხვევაში ზომები, შესაძლოა, გამკაცრდეს.

ბოლო მონაცემებით, გაერთიანებულ სამეფოში „ომიკრონ“ ვარიანტით დაინფიცირებული 195 ადამიანია ჰოსპიტალიზებული, გარდაცვლილია 18 პაციენტი.