ჯანდაცვის მინისტრის, ეკატერინე ტიკარაძის განცხადებით, ქვეყანაში „ომიკრონის“ 24 შემთხვევაა დადასტურებული.

როგორც მან ჟურნალისტებს განუცხადა, ამ დროისთვის, 15 საეჭვო შემთხვევის კვლევა მიმდინარეობს.

„დაავადებათა კონტროლის ცენტრი ჩვეული გამჭვირვალობით გააგრძელებს ამასთან დაკავშირებით კომუნიკაციას. ჰოსპიტალური სექტორი არის მზად და ჩვეულ რეჟიმში მუშაობენ კლინიკური ჯგუფები. პირველადი ჯანდაცვა სრულად არის მობილიზებული. სისტემა ადექვატურად პასუხობს გამოწვევებს და დარწმუნებული ვარ, ასე გაგრძელდება,“- განაცხადა ტიკარაძემ.