გერმანიის ქალაქ მიუნხენში კოვიდშეზღუდვების წინააღმდეგ გამართული აქციის მონაწილეებსა და სამართალდამცავებს შორის დაპირისპირება მოხდა, რის შედეგადაც ერთი სამართალდამცავი დაშავდა, - ინფორმაციას „დოიჩე ველე“ ავრცელებს.
გამოცემის ცნობით, დაკავებულია 11 ადამიანი.
პოლიციის მიერ გავრცელებულ განცხადებაში აღნიშნულია, რომ საპროტესტო აქციაში 5 000-მდე ადამიანი მონაწილეობდა და მათი ნაწილი თავს დაესხა სამართალდამცავებს, რის გამოც პოლიციას ე.წ. „წიწაკის სპრეის“ და ხელკეტების გამოყენება დასჭირდა.