თურქეთის ტრანსპორტისა და ინფრასტრუქტურის მინისტრი ადილ კარაისმაილოღლუ აცხადებს, რომ სომხეთი და თურქეთი, 2.5-წლიანი პაუზის შემდეგ, ორმხრივ ავიარეისებს უახლოეს დღეებში განაახლებენ.

თურქული მედიის ცნობით, მინისტრმა აღნიშნა, რომ ფრენებს ავიაკომპანია Pegasus Airlines-ი განახორციელებს, რომელიც ამჟამად მოსამზადებელ სამუშაოებს ასრულებს.

გასულ კვირაში თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ სომხეთ-თურქული ურთიერთობების ნორმალიზების პროცესის ფარგლებში სომხეთსა და თურქეთს შორის ავიარეისები განახლდება.