იენს სტოლტენბერგი - ნატოს არასოდეს დაუდია პირობა, რომ არ გაფართოვდებოდა

ნატოს გენერალური მდივანი იენს სტოლტენბერგი რუსეთის ლიდერს ვლადიმერ პუტინს პასუხობს და უარყოფს რუსეთის ხელისუფლების განცხადებებს, თითქოსდა, ალიანსმა ოდესმე პირობა დადო, არ გაფართოებულიყო.

ამის შესახებ სტოლტენბერგმა DPA -სთან ინტერვიუში განაცხადა.

„ნატოს არასოდეს დაუდია პირობა, რომ არ გაფართოვდებოდა. კერძოდ, ჩვენი ორგანიზაციის დამფუძნებელ შეთანხმებაში მითითებულია, რომ ნებისმიერ ევროპულ ქვეყანას შეუძლია გახდეს ალიანსის წევრი. მეორეც - არის დოკუმენტები, რომლებიც ეხება 70-იან, 90-იან წლებს - ჰელსინკის დასკვნითი აქტი, პარიზის ქარტია, რუსეთი-ნატოს დამფუძნებელი აქტი და სხვა მრავალი შეთანხმება, რომლებიც აშკარად ცხადყოფენ, რომ ქვეყნებს გააჩნიათ უფლება, აირჩიონ თვისი გზა“, - განაცხადა სტოლტენბერგმა.

მისივე თქმით, ეს ფუძემდებლური პრინციპია ევროპული უსაფრთხოების, რომელზეც ხელი რუსეთმა მოაწერა.

„მოკავშირეებიც კატეგორიულად უარყოფენ, რომ რაიმე მსგავსი პირობა ჰქონდეთ დადებული. თავად ყოფილმა პრეზიდენტმა გორბაჩოვმა თქვა, რომ ნატოს გაფართოების თემა არასოდეს წამოწეულა გერმანიის გაერთიანებამდე“, - განაცხადა გენმდივანმა.

ცნობისთვის, რუსეთის პრეზიდენტმა ვლადიმერ პუტინმა დღეს, ყოველწლიურ პრესკონფერენციაზე თქვა, რომ ნატომ, „ცივი ომის“ შემდეგ, რუსეთი მოატყუა გაფართოების თანმიმდევრული ტალღებით.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!