სამხრეთ კორეის იუსტიციის სამინისტრომ განაცხადა, რომ პატიმრობაში მყოფი ყოფილი პრეზიდენტი პარკ გეუნ-იე შეიწყალა.

სამინისტროს განმარტებით, ყოფილი პრეზიდენტის შეწყალება სოციალური კონფლიქტების მოგვარების მიზნით მოხდა. პარკ გეუნ-იეს გარდა ამნისტია 3 000-ზე მეტ მსჯავრდებულს შეეხო.

შეწყალებისას გაითვალისწინეს მისი ჯანმრთელობის მდგომარეობა. აღსანიშნავია, რომ მხრისა და წელის ქრონიკული ტკივილის გამო პარკ გეუნ-იეს წელს სამჯერ გადაიყვანეს საავადმყოფოში.

კორუფციაში ბრალდებულ პარკ გეუნ-იეს თავისუფლების 20 წლით აღკვეთა ჰქონდა მისჯილი.