თურქეთის ხელისუფლებამ ტერორიზმის დაფინანსების მოტივით 770 პირისა და აშშ-ში დაფუძნებული ფონდის აქტივები დააყადაღა, - ამის შესახებ ნათქვამია გადაწყვეტილებაში, რომელიც ოფიციალურ ბიულეტენშია გამოქვეყნებული.
ინფორმაციის თანახმად, 2016 წელს სახელმწიფო გადატრიალების მოწყობის მცდელობაში დადანაშაულებული ფეთჰულა გიულენთან კავშირის ბრალდებით ჩიკაგოში დაფუძნებული „ნაგარას ფონდის“ აქტივები გაყინეს. თურქეთის ხელისუფლებაში აცხადებენ, რომ ფეთჰულა გიულენთან კავშირის გამო 400-ზე მეტი პირის აქტივები გაყინეს.
აქტივები დაუყადაღეს კიდევ 200-ზე მეტ პირს, რომლებსაც „ქურთისტანის მუშათა პარტიასა“ და „ისლამური სახელმწიფოს“ დაჯგუფებებთან კავშირში ადანაშაულებენ.