ამერიკული კერძო კომპანია ახალ სატელიტურ სურათებს აქვეყნებს, რომლებიც უკრაინის საზღვარზე და ანექსირებული ყირიმის ტერიტორიაზე ბოლო პერიოდში რუსული ჯარების მობილიზებას ასახავს.

Reuters-ი წერს, რომ აშშ-ში დაფუძნებული კომპანიის Maxar Technologies-ის მიერ გადაღებული უახლესი სურათების დამოუკიდებლად გადამოწმება ვერ შეძლო. "მაქსარმა" აღნიშნა, რომ ბრიგადის ახალი ქვედანაყოფი, რომლებიც რამდენიმე ასეული ჯავშანტექნიკისგან შედგება და რომლებიც BMP სერიის ქვეითთა საბრძოლო მანქანებს, ტანკებს, თვითმავალ არტილერიას და საჰაერო თავდაცვის აღჭურვილობას მოიცავს, რუსეთის გარნიზონში მივიდა.

„გასული ერთი თვის განმავლობაში ჩვენმა მაღალი რეზოლუციის სატელიტურმა სურათებმა ყირიმში რუსეთის ახალი ძალების განლაგება დააფიქსირა, ისევე როგორც რამდენიმე საწვრთნელ ზონაში დასავლეთ რუსეთში უკრაინის საზღვრის პერიფერიაზე“, - აღნიშნა კომპანიამ.