უკრაინის მთავრობა რეგულარულ კონტაქტს ინარჩუნებს შეერთებულ შტატებთან მათი ნაბიჯების კოორდინაციის მიზნით, განაცხადა უკრაინის პრეზიდენტის ოფისის ხელმძღვანელმა ანდრეი იერმაკმა.
"მე პირადად, მაგალითად, საკმაოდ ხშირად ვკონტაქტობ აშშ-ის ეროვნული უსაფრთხოების მრჩეველთან ჯეიკ სალივანთან და ჩვენ გვაქვს ერთმანეთის ნდობა“ , - აღნიშნა ანდრეი იერმაკმა.
მისი თქმით, ისინი ამერიკელ პარტნიორებთან მუდმივად კონტაქტობენ. მისივე განცხადებით, უკრაინა და დასავლელი პარტნიორები იცავენ პრინციპს, რომ უკრაინასთან დაკავშირებული არცერთი საკითხი მისი ჩართულობის გარეშე არ გადაწყდება.
იერმაკმა განაცხადა, რომ უკრაინის წევრობა ნატო-ში მხოლოდ თავად უკრაინისა და ნატო-ს გადასაწყვეტია.