კოლეჯი "იბერია“ მეღვინეობის პოპულარიზაციის მიზნით ახალ პროექტს ახორციელებს

მრავალპროფილური პროფესიული კოლეჯი „იბერია“ გაეროს განვითარების პროგრამის (UNDP) მხარდაჭერით ახალ პროექტს ახორციელებს, რომლის მიზანიც მეღვინეობის დარგის პოპულარიზაციაა.

პროექტი წარმატებულ მეწარმეებთან ერთად მათთვის, ვისაც ყურძნის ღვინოების წარმოება, ახალი ვენახები, მცირე საოჯახო მარნები, ინოვაციური პროცესები და ტექნოლოგიები აინტერესებს, მასტერკლასების, სამუშაო შეხვედრების და ინფოტურების ორგანიზებას გულისხმობს.

დღეს ვორქშოპი თემაზე „ღვინის გზა“, ბაღდათის მუნიციპალიტეტის სოფელ მეორე ობჩაში, „ბაიას მარანში“ გაიმართა, რომელიც ერთ-ერთი წარმატებული ექსპორტიორი კომპანიაა ქართული ღვინის წარმოების სფეროში.

ორგანიზაციის დამფუძნებელმა ბაია აბულაძემ ტექნოლოგიური გამოცდილების გაზიარების შემდეგ ვორქშოპის მონაწილეებს კომპანიის ვენახები, მარანი და საამქროები დაათვალიერებინა.

"ასეთი შეხვედრებით დაინტერესებულ ადამიანებს ჩვენ ვეუბნებით, რომ უკეთესი შედეგების მიღწევის და საკუთარი ბიზნესის სწორად განვითარებისთვის, აუცილებელია ამ დარგში განათლების და ახალი ინფორმაციების მიღება“, - განაცხადა კოლეჯის ხელმძღვანელმა ირაკლი ავალიანმა.

მომავალი წლიდან მრავალპროფილური პროფესიული კოლეჯი „იბერია“ საკუთარ ბაზაზე მეღვინეობის მიმართულებით ახალი პროფესიების დამატებას გეგმავს, რაც მათივე განცხადებით, იმერეთის რეგიონში თვითდასაქმებული მეღვინეებისთვის წარმატების გარანტი გახდება.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის