დიმიტრი პესკოვი - რუსეთის უსაფრთხოება საფრთხის ქვეშ არის

რუსეთის უსაფრთხოება საფრთხის ქვეშ არის დასავლეთის მხრიდან მომდინარე ტყუილის გამო, რომ ნატო აღმოსავლეთით არ გაფართოვდებოდა. მოსკოვისთვის მიღებული უსაფრთხოების გარანტიები ახლა გახდა სიკვდილ-სიცოცხლის საკითხი. ამის შესახებ კრემლის პრესმდივანმა დიმიტრი პესკოვმა „რასია 1“-ის ეთერში განაცხადა.

„ორ ათეულზე მეტი წელია, ჩვენ მეთოდურად გვატყუებდნენ და ამ ტყუილის შედეგად მივედით სიტუაციამდე, როდესაც ჩვენი უსაფრთხოება საფრთხის ქვეშ დადგა“, - განაცხადა პესკოვმა.

მანვე აღიარა, რომ ვლადიმერ პუტინი 23 დეკემბრის პრესკონფერენციაზე გარანტიების შესახებ ძალიან ემოციურად საუბრობდა. „ყოველ ჯერზე, როდესაც პრეზიდენტი საუბრობს ქვეყნის ეროვნულ ინტერესებზე, უსაფრთხოებაზე, ყოველთვის ემოციურია“, - აღნიშნა პესკოვმა.

მისი თქმით, რუსეთი ხედავს რას აკეთებს ნატო, ხედავს მანევრებს ქვეყნის საზღვრებთან და დიდი რაოდენობის ტექნიკის მიწოდებას.

„ეს ტექნიკა შემოაქვთ საბერძნეთის გავლით. ის ხვდება უკრაინის ტერიტორიაზე, იქ შედიან სამხედრო ინსტრუქტორები, რომელთა რაოდენობა იქ უკვე რამდენიმე ათასია. ნატო თანდათან აღწევს უკრაინის ტერიტორიაზე და შემდეგ, ფაქტობრივად, დარჩება ამ პროცესის ფორმალიზება“, - განაცხადა პესკოვმა.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება