რუსეთის ფედერაციამ წერტილი უნდა დაუსვას ნატოს აღმოსავლეთისკენ სვლას და გამორიცხოს უკრაინის ალიანსში გაწევრიანება, - ამის შესახებ რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა.

"ჩვენ წერტილი უნდა დავუსვათ ნატოს შემდგომ სვლას, ნატოს ინფრასტრუქტურას, ნატოს შესაძლებლობებს აღმოსავლეთისკენ. ჩვენ უნდა გამოვრიცხოთ უკრაინის ნატოში გაწევრიანება", - აღნიშნა რიაბკოვმა.

შეგახსენებთ, 17 დეკემბერს რუსეთმა გამოაქვეყნა შეთანხმებების პროექტები აშშ-სა და ნატოსთან. დოკუმენტები მოიცავს დებულებებს ევროპაში უსაფრთხოების ორმხრივი გარანტიების შესახებ. მოსკოვი დასავლეთისგან მოითხოვს, არ მოხდეს ნატო-ს შემდგომი გაფართოება, მათ შორის სსრკ-ის ყოფილი რესპუბლიკების ხარჯზე.