2021 წლის 1-ელი სექტემბრიდან 26 დეკემბრამდე პერიოდში საქართველოდან 33.7 ათასი ტონა მანდარინის ექსპორტი განხორციელდა.
საქართველოს გარემოს დაცვისა და სოფლის მეურნეობის სამინისტროს ინფორმაციით, ექსპორტის ღირებულებამ 16.4 მლნ აშშ დოლარი შეადგინა.
„მიმდინარე წელს წარმოებული მანდარინის ექსპორტი განხორციელდა რუსეთში (22 677 ტონა), სომხეთში (6 086 ტონა), უკრაინაში (3 582 ტონა), მოლდოვაში (463 ტონა), ყაზახეთში (301 ტონა), სლოვენიაში (172 ტონა), ბელორუსში (140 ტონა), ესტონეთში (104 ტონა), ყირგიზეთში (80 ტონა), და სხვა ქვეყნებში (78 ტონა)“, - ნათქვამია უწყების მიერ გავრცელებულ ინფორმაციაში.