თურქეთისა და სომხეთის სპეციალური წარმომადგენლების პირველი შეხვედრა მოსკოვში გაიმართება

თურქეთის საგარეო საქმეთა მინისტრის, მევლუთ ჩავუშოღლუს განცხადებით, თურქეთისა და სომხეთის სპეციალური წარმომადგენლების პირველი შეხვედრა მოსკოვში გაიმართება.

“პირველი შეხვედრა გაიმართება მოსკოვში. ჩვენ ორმხრივად დავნიშნეთ სპეციალური წარმომადგენლები, რომ პირდაპირ ისაუბრონ", - აღნიშნა ჩავუშოღლუმ.

მისი თქმით, საჭიროა ურთიერთობების ნორმალიზების გზამკვლევის შექმნა და დასძინა, რომ ეს იქნება პირველი შეხვედრის დღის წესრიგში.

აღნიშნულ საკითხზე კომენტარი სომხურმა მხარემაც გააკეთა. სომხეთის საგარეო საქმეთა სამინისტროს პრესსპიკერის, ვაჰან უნანიანის განცხადებით, სომხეთისა და თურქეთის სპეციალური წარმომადგენლების შეხვედრის თარიღი ამ დროისთვის არ არის დაზუსტებული.

„განიხილება მოსკოვში შეხვედრის გამართვის შესაძლებლობა“, – აღნიშნა უნანიანმა.

შეგახსენებთ, 15 დეკემბერს თურქეთმა ქვეყნის ყოფილი ელჩი აშშ-ში, სერდარ ქილიჩი სომხეთ-თურქეთთან დიალოგში სპეციალურ წარმომადგენლად დანიშნა, სამი დღის შემდეგ ერევანმა საკუთარ წარმომადგენლად პარლამენტის ვიცე-სპიკერი რუბენ რუბინიანი დანიშნა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!