ისრაელმა გოლანის მაღლობზე ებრაელ ახალმოსახლეთა რაოდენობის გაორმაგების მიზნით 317 მილიონი დოლარის ღირებულების გეგმა დაამტკიცა. პრემიერ-მინისტრ ნაფტალი ბენეტის მთავრობამ მხარი დაუჭირა 5 წლის განმავლობაში რეგიონში 7 300 სახლის აშენებას. გეგმის მიხედვით, საცხოვრებელი სახლების, ინფრასტრუქტურის შექმნისა და სხვა პროექტების შესრულებისთვის 1 მილიარდი შეკელი უნდა დაიხარჯოს, რისი მიზანიც ტერიტორიაზე დაახლოებით 23 000 ებრაელი ახალმოსახლის მიზიდვაა.

"ჩვენი მიზანია, გოლანის მაღლობის მოსახლეობის გაორმაგება" , - განაცხადა ისრაელის პრემიერ-მინისტრმა ნაფტალი ბენეტმა.

ამჟამად გოლანის მაღლობზე ისრაელის დაახლოებით 25 000 ახალმოსახლე მოქალაქე ცხოვრობს.