ვაქცინაციის წამახალისებელ ლატარიას, გათამაშების დაწყების დღიდან 17 055 გამარჯვებული ჰყავს, მოგებამ კი 2 700 000 ლარი შეადგინა.

ყოველდღიურ ლატარიაში ავტომატურად მონაწილეობს ყველა, ვინც დღემდე ერთი დოზით მაინც არის ვაქცინირებული.

ცნობისთვის, „აიცერი და მოიგე“ - StopCovid ლატარია ვაქცინაციის პროცესის სტიმულირებისთვის 13 სექტემბრიდან დაიწყო. ყოველდღე თამაშდება 100 და 500 ლარი მოგება, ყოველკვირეულად 1000-დან 10 000 ლარამდე, ხოლო შემაჯამებელ გათამაშებაში, რომელიც 31 დეკემბერს „საქართველოს საზოგადოებრივი მაუწყებლის’’ ეთერში გაიმართება, გათამაშდება 100 000 ლარი.

ვაქცინაციის წამახალისებელი ლატარია 31 დეკემბრამდე იყო განსაზღვრული. ჯერჯერობით უცნობია, გაგრძელდება თუ არა ვაქცინაციის წამახალისებელ ლატარია 31 დეკემბრის შემდეგ.