იმუნიზაციის მრჩეველთა ეროვნული ტექნიკური ჯგუფის ხელმძღვანელი ივანე ჩხაიძე არ გამორიცხავს, რომ ინფიცირების ასიმპტომური შემთხვევების დროს კარანტინის ვადა შემცირდეს.
მან აშშ-ში კორონავირუსით ინფიცირების ასიმპტომური შემთხვევების დროს კარანტინის ვადის 5 დღემდე შემცირებაზე ისაუბრა და განმარტა, რომ დასაშვებია აღნიშნული პრაქტიკა საქართველოშიც გავითვალისწინოთ, 10-დღიანი პერიოდი თუ 5 დღემდე არა, რამდენიმე დღით შემცირდეს.
როგორც ჩხაიძე „ინტერპრესნიუსთან“ საუბრისას აღნიშნავს, კარანტინის ვადის შემცირებასთან დაკავშირებით იმუნიზაციის საბჭოზე უნდა იმსჯელონ. როდის გაიმართება იმუნიზაციის საბჭო ამ დროისთვის უცნობია.