დაავადებათა კონტროლის ცენტრის ხელმძღვანელის ამირან გამყრელიძის განცხადებით, ახალ გეგმაზე მიმდინარეობს მუშაობა, რომლის მიხედვითაც, 2022 წლის ივლისისთვის ზრდასრული მოსახლეობის 70% უნდა იყოს კორონავირუსის საწინააღმდეგო ვაქცინით აცრილი.
როგორც ამირან გამყრელიძემ განმარტა, მოზრდილ მოსახლეობაში ორჯერადად აცრილების დაახლოებით 40 პროცენტზე ავალთ.
„60 პროცენტი გვქონდა დასახული. გიდასტურებთ, რომ წლევანდელ გეგმას ჩვენ ვერ შევასრულებთ. ახლა იწერება გეგმის განახლება, რომლის მიხედვითაც ახალი სამიზნე იქნება ივლისისთვის - 70 პროცენტზე ასვლა. ოღონდ, დაყოფილია, როგორ უნდა ავიდეთ 70 პროცენტზე. ამას შემდეგ გაგაცნობთ. ყველაზე მთავარია, 60 წლის ზემოთ გვქონდეს 90%-იანი მოცვა, შემდეგ 50-დან 60-მდე 80%-იანი და შემდგომ უფრო დაბალი“, - აღნიშნა გამყრელიძემ.