გიორგი ტყემალაძე - არ მიგვაჩნია მიზანშეწონილად, რომ გარკვეული პოლიტიკური შოუების მოსაწყობად თბილისის მერი საკრებულოში მოდიოდეს

კახა კალაძე საკრებულოს სხდომაზე დაახლოებით ორი კვირის წინ უკვე იმყოფებოდა, სადაც მან გასული ოთხი წლის საქმიანობის ანგარიში წარადგინა, - ამის შესახებ თბილისის საკრებულოს თავმჯდომარემ გიორგი ტყემალაძემ განაცხადა, რითაც ოპოზიციის მიერ დედაქალაქის მერის საკრებულოში დაბარების მოთხოვნას გამოეხმაურა. გიორგი ტყემალაძის განმარტებით, თბილისის მერმა ანგარიშის წარდგენისას სამომავლო გეგმებზეც ისაუბრა და ის გუნდი წარადგინა, რომელთან ერთადაც ამ გეგმების განხორციელებას გეგმავს. საკრებულოს თავმჯდომარის თქმით, თბილისის მერს არასდროს აურიდებია თავი საკრებულოში მოსვლისგან და იგი ყოველთვის ყველა კითხვას სცემს პასუხს.

„ოპოზიციას საქმიანი კითხვები არ აქვს. თბილისის მერი დაახლოებით ორი კვირის წინ საკრებულოში უკვე იმყოფებოდა, სადაც მან გასული ოთხი წლის საქმიანობა შეაჯამა, დეტალურად ისაუბრა სამომავლო გეგმებზე და წარადგინა ის გუნდი, რომელთან ერთადაც აპირებს ეს გეგმები განახორციელოს. სხდომა ხუთი საათის განმავლობაში მიმდინარეობდა და ოპოზიციის მხრიდან არცერთი კონკრეტული, საქმიანი კითხვა არ დასმულა. შესაბამისად, არ მიგვაჩნია მიზანშეწონილად, რომ გარკვეული პოლიტიკური შოუების მოსაწყობად მერი საკრებულოში მოდიოდეს“,- განაცხადა გიორგი ტყემალაძემ.

საკრებულოს თავმჯდომარის თქმით, რეგლამენტი არ დარღვეულა და კახა კალაძემ საკრებულოს ანგარიში უკვე წარუდგინა.

„ოპოზიცია აპელირებს პროცედურაზე და არა შინაარსზე. სწორედ ეს არის განსხვავება ჩვენსა და მათ შორის. ჩვენ ვაკეთებთ საქმეს, ისინი კი უბრალოდ საუბრობენ“- განაცხადა გიორგი ტყემალაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!