ლევან დოლიძის განცხადებით, მის ნაცვლად საკრებულოში დავით ფარცვანია შევა, თავად კი  საქმიანობას კვლავ გიორგი გახარიას პოლიტიკური მრჩევლის პოზიციაზე გააგრძელებს

ფრაქცია „თბილისი საქართველოსთვის“ წევრმა ლევან დოლიძემ საკრებულო დატოვა და მის ნაცვლად ფრაქციაში დავით ფარცვანია შევა, თავად პარტიაში რჩება და საქმიანობას კვლავ გიორგი გახარიას პოლიტიკური მრჩევლის პოზიციაზე გააგრძელებს. ამის შესახებ ლევან დოლიძემ „ინტერპრესნიუსთან“ საუბრისას განაცხადა.

„ეს არის ჩემი და ბატონი გიორგი გახარიას პოლიტიკური გუნდის ერთობლივი გადაწყვეტილება, რომ მე გავაგრძელებ მუშაობას იმ საკითხებზე და იმ ფუნქციებით, რომელსაც ვასრულებდი არჩევნებამდე ამ პოლიტიკურ გუნდში.

იმ პრობლემატიკის გათვალისწინებით, რაც საკრებულოს უფლებამოსილებას განეკუთვნება, მიზანშეუწონლად მიგვაჩნია, რომ საკრებულოში ჩემი ან ნებისმიერი დეპუტატის ჩართულობა იყოს ნაწილობრივ. შესაბამისად, ხდება არსებული პოლიტიკური რესურსის ოპტიმალური გამოყენება როგორც ადგილობრივ, ასევე ცენტრალურ დონეზე.

დავით ფარცვანია, რომელიც სიაში რიგით მე-5 ნომერი იყო, იგი შევა საკრებულოში და სრულად და აქტიურად ჩაერთვება ფრაქცია „თბილისი საქართველოსთვის“ მუშაობაში. მე კი გავაგრძელებ საქმიანობას ბატონი გიორგი გახარიას პოლიტიკური მრჩევლის პოზიციაზე და მონაწილეობას მივიღებ მისი პოლიტიკური გუნდის შემდგომი სტრატეგიის განსაზღვრაში.

ადგილმონაცვლეობა ჩვეულებრივი პროცესია, რომელიც სხვა პოლიტიკურმა პარტიებმაც განახორციელეს, როგორც საკრებულოში, ასევე პარლამენტში, სულ ეს არის”, - განაცხადა ლევან დოლიძემ.

საკრებულოს წევრებმა გუშინდელ სხდომაზე, პარტია „საქართველოსთვის" წევრს ლევან დოლიძეს, პირადი განცხადების საფუძველზე, უფლებამოსილება ვადაზე ადრე შეუწყვიტეს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!